(Antipas, North Cotabato/ August 17,
2015) ---Sugatan ang isang lalaki matapos mabiktima ng ambush sa Purok 7, Brgy.
New Pontevedra, Antipas, Cotabato noong Biyernes alas tres ng hapon.
Kinilala ni PSI Andres Sumugat Jr.
hepe ng Antipas PNP ang biktima na si Elizar Pelacio Omega, 36 anyos, may asawa
at residente ng Brgy. Canaan, Antipas, Cotabato.
Sa inisyal na imbestigasyon ng
Antipas PNP pauwi ang biktima matapos bumisita sa farm nito sakay ng kanyang
D4D Hi-lux na may plaka numero AFA 5693 nang ambushin ito ng di nakilalang suspek.
Nagtamo ng sugat ang biktima sa ibat
ibang bahagi ng katawan ngunit nagawa pa nitong makapagmaneho at humingi ng
tulong sa Pedregosa Compound sa Brgy. Poblacion.
Kaagad namang isinugod si Omega sa
Antipas Medical Specialist ngunit kalaunan ay inilipat sa pagamutan sa
Kidapawan City.
Nakuha naman sa pinangyarihan ng
isidente ang 21 basyo ng calibre 5.56. Samatala, sa pina-igting na hot pursuit
operation ng Antipas PNP sa pangunguna ni COP Sumugat Jr. nahuli ang suspek
alas 3:45 ng hapon na kinilalang si Ephraem Vicente Penoy, 40 anyos, may asawa
at residente ng Brgy. Poblacion,
Antipas.
Nakumpiska sa suspek ang 1 back pack
kulay itim cammelback brand, 1 unit ng calibre .45 na pistol na may serial
number 1189997 na naglalaman ng 1 magasin at 8 na bala, 2 unit ng 30 round
empty long magasin, 1 unit 30 round long magasin na may 27 na bala ng calibre
5.56, 1 unit 20 round short magasin na may 19 na bala ng calibre 5.56, 1 unit
20 round short magasin na may 14 na bala ng calibre 5.56 at 2 unit ng
cellphone.
Nasa kustodiya na ngayon ng Antipas
PNP ang suspek habang inihahanda ang kasong isasampa rito at nasa kustodiya din
ng kapulisan ang Toyota hi-lux ng biktima. Christine
Limos
0 comments:
Mag-post ng isang Komento