“Kabacan Sentro ng Ekonomiya at Sentro ng Edukasyon” ---Cong. Ping Ping Tejada

Kabacan sentro ng negosyo at sentro ng edukasyon.

Ito ang sinabi ni Cong. Jose "Ping Ping" Tejada Representante ng 3rd District ng North Cotabato sa Kongreso sa kanyang mensahe sa pagdalo niya sa 68^th Founding Anniversary ng bayan ng Kabacan, kahapon.

Ayon sa mambabatas ang gumagandang peace and order umano ang isa sa dahilan kung bakit marami sa mga negosyante ang nagnanais na maglagak ng kanilang puhunan sa bayan ng Kabacan.

Sinabi pa nito na patuloy na lumalago ang ekonomiya ng bayan.

Marami rin umanong dumadayo sa bayan ng Kabacan para mag-aral sa University of Southern Mindanao dahil ito ang sentro ng edukasyon.

Aniya, wala umanong duplication ang mga proyekto at ipagpapatuloy din ang road widening sa national highway mula Matalam hanggang Kayaga.

Dagdag pa ni Cong. Tejada na marami umanong flood control system project na ibibigay sa bayan ng Kabacan at proyektong pang inprastraktura.

Dagdag pa ni Cong. Tejada na pagsusumikapan sa susunod na taon na maisemento ang daan ng Banisilan-Kabacan highway.

Ang biyahe umano  mula sa Banisilan papuntang Kabacan sa halip na isa at  kalahating oras ay magiging isang oras na lang.

Ipinaliwanag din ng mambabatas na ang mga iskolar ng bayan na top 10 ay pwede ng kumuha ng certification sa CHED at mag-aral sa University of Southern Mindanao.

Samantala, isinulong din ni Cong. Tejada kasama si Vice Gov. Dodong Ipong ang full coverage ng Philhealth para sa mga senior citizen. Ang kultura din umano ng Pinoy ay ibebenta ang halos lahat para maipagamot ang mga magulang. Mark Anthony Pispis