Mahigit 2 oras na power interruption, naranasan sa service area ng Cotelco

(Kabacan, North Cotabato/ December 2, 2014) ---Nagbigay ng paalala ang Cotabato Electric Cooperative matapos makaranas ng mahabang power interruption ang bayan ng Kabacan kahapon ng hapon.

Ito dahil sa apat na kawayan na natumba sa 69KV line o transmission line ng kuryente.

Ayon sa panayam ng DXVL kay Cotabato Electric Cooperative Spokesperson Vincent Baguio na iwasan ang paggawa ng mga aktibidadis gaya ng pagputol ng kahoy malapit sa 69KV line o transmission line ng kuryente, dahil kapag natamaan ito, magdudulot ito ng shutdown ng kuryente sa buong coverage area ng COTELCO.

Dagdag pa niya naglagay na sila ng mga babala o danger high voltage line signage malapit sa transmission line.

(VC COTELCO spokesperson Baguio)

Kunektado ka sa mga balita, USM Devcom Intern Ruth Oyao DXVL News

PAGBABANTA SA BAYAN NG KABACAN, PATULOY PA RIN

Patuloy paring nakakatanggap ng pagbabanta ang bayan ng Kabacan at buong lalawigan hinggil sa pambobomba sa iba’t- ibang parte sa lalawigan ng North Cotabato.

Ayon sa sinabi ni, PINSP Arvin John Cambang, nakakatanggap parin di umano sila ng mga impormasyon at textmessages hinggil sa pagbabanta sa bayan.

Agad namang inaksiyonan ng mga kapulisan sa pamamagitan ng pagpapaigting sa seguridad ng mga mamamaya, pagpapakalat ng checkpoint, police visibility sa matataong lugar at sa tulong BPAT at Local Government Unit ng Kabacan.

(VO: PINSP ARVIN JOHN CAMBANG)

CHARLENE JOY BASAL

Kabacan PNP, Pinaghahandaan ang pagsalubong ng Pasko at pag sapit ng bagong taon

Pinaghahandaan ng Kabacan PNP ang pagsalubong ng Pasko at pagsapit ng bagong taon.

Ito ang sinabi kahapon sa DXVL Radyo ng bayan ni P/CInsp. Ernor Melgarejo, ang bagong OIC ng Kabacan PNP.

Matatandaan namang mas pina igting ang seguridad sa bayan matapos ang pamomomba.

Sinabi ng opisyal na may ipapakalat na silang elemento at tauhan ng PNP sa mga pangunahing lugar at matataong lugar sa bayan.

Nagpapatuloy naman ang kanilang visibility at mobile patrol. Pinapaigting din ang bawat check at chockpoints.

Dagdag pa niya, magiging visible ang presensya ng mga kapulisan sa ibat ibang pampublikong lugar at lansangan upang matiyak ang kaligtasan ngayong darating na kapaskuhan at bagong taon.

(VO: P/Insp. Ernor Melgarejo)

Kunektado ka sa mga balita, USM Devcom Intern Mabeth Navarro DXVL News

Mahabang power interruption, naranasan sa bayan ng Kabacan

Nakaranas ng mahabang power interruption ang bayan ng Kabacan, kahapon ng hapon.

Ito ay dahil sa apat na kawayan na natumba sa 69KB line na kumukonekta sa Substation line ng NGCP at substation line ng COTELCO.

Ayon sa panayam ng DXVL kay COTELCO Spokesperson Vincent Baguio, isang lalaki umano ang nagputol ng kawayan at aksidente namang tumama sa nasabing linya ng kuryente dahilan ng naranasang power interruption.

Agad namang rumisponde ang 69KB crew upang mapabilis ang pagsasa-ayos nito.

Paalala naman ni Baguio sa mga konsyumer ng kuryente na iwasang magkaroon ng anumang aktibidades malapit sa mga linya ng kuryente.

(VO: TINIG NI SPOKESPERSON BAGUIO)

DESIREE BAYLON