(Kabacan, North Cotabato/ August 26, 2013)
---Kulungan ang bagsak ng 37-anyos na tulak droga makaraang mahuli ng
pinagsanib na pwersa ng elemento ng Kabacan PNP at Philippine Drug Enforcement
Agency PDEA 12 sa Poblacion, Kabacan, Cotabato alas 4:30 ng madaling araw
nitong Sabado.
Kinilala ni PCInps. Jordine Maribojo, hepe
ng Kabacan PNP ang suspek na si Jonathan Zamora Buenaflor, residente Hagonoy,
Davao del sur.
Nakuha mula sa suspek ang isang plastic heat
sealed sachet na naglalaman ng shabu.
Nahuli ang suspek sa pinaniniwalaang pot
session sa loob ng Video K Bar na pag-aari ng isang Mommy Pulido na nasa Rizal
St., ng bayang ito.
Nabatid pa na bukod sa nasabing Video K bar
ay may ilan pang mga bahay aliwan ang ginagawa rin umanong hide out ng mga
illegal drug users and pushers, ayon sa report ng PNP.
Sa ngayon, nakahanda na ang kasong isasampa
ng mga otoridad laban sa suspek. (Rhoderick Beñez)
0 comments:
Mag-post ng isang Komento