5 patay sa bakbakan ng sundalo at rebeldeng grupo sa hiwalay na engkwentro sa Maguindanao at North Cotabato

(July 8, 2013) ---Isang opisyal ng sundalao at apat nitong kasamahan ang nasawi sa bakbakan sa pagitan ng kanilang grupo at Bangsamoro Islamic Freedom Fighter (BIFF) sa magkahiwalay na sagupaan sa Maguindanao at North Cotabato nitong Sabado ng tanghali.

Kinilala ni 602nd Infantry Battalion, Philippine Army Capt. Anthony Bulao ang mga nasawing sundalo na sina Lt. Gerardo Flores, PFC Megan Bello at PFC Jonathan Mores habang ang dalawa sa mga nasawing sundalo ang hindi pa kinilala sa report.

Sa hiwalay na panayam kay Lt. Peralta sinabi nitong dalawa mula sa kanilang hanay ang napaulat na namatay habang isa sa panig ng BIFF matapos na magkasagupa

ang di pa malamang bilang ng mga rebelde sa Paidu Pulangi sa Pikit, North Cotabato, alas-11:30 ng tanghali, kahapon.

Tumanggi muna si Captain Tony Bulao, ang hepe ng civil military operations ng 602^nd brigade, na kilalanin ang mga nasawing sundalo hangga’t di pa nila naabisuhan ang pamilya nito.

Sinabi ng opisyal na nagsasagawa ng law enforcement operations ang tropa nila na nasa ilalim ng 7^th IB nang makasagupa ang mga armadong lalaki sa may boundary ng Paidu Pulangi at ng Reina Regente sa Datu Piang, Maguindanao.

Nilinaw naman ni 6^th ID Public Affairs head Col Dickson Hermoso na ang ginawa nilang paglunsad ng opensiba sa Paidu Pulangi ay dahil sa sunud-sunod na mga pag-atake ng ginawa ng umano miyembro ng Bangsamoro Islamic Freedom Fighters o BIFF.

Tinawag ni Hermoso na mga ‘peace spoilers’ ang mga BIFF dahil sa mga pag-atakeng inilunsad nito sa mga bayan sa Sultan Kudarat at North Cotabato.  

Sa pinakahuling report, sinabi si DXVL News si PCInsp. Jordine Maribojo, hepe ng Pikit PNP na patuloy na naka-alerto ngayon ang mga pulisya at militar sa bayan ng Pikit at karatig lugar sa posibleng pag-atake ng grupo.

Ito matapos na mamataan ang ilang grupo ng mga armadong pangkat sa boundary ng Brgy. Langayen sa bayan ng Pikit at brgy. Dungguan sa bayan ng Aleosan. 

Ayon kay Maribojo, ilang araw na rin umanong namataan ang mga pinaniniwalaang grupo ng Bangsamoro Freedom Fighters o BIFF sa nabanggit na lugar. 

Sa ngayon nagpapatuloy ang close monitoring ng PNP at Hukbong Sandatahang Lakas ng Pilipinas para tiyaking ligtas ang lugar sa anumang harassment.

Sa panig naman ng militar hanggang sa kasalukuyan ay patuloy ang ginagawa nilang clearing operation para hindi na kumalat pa ang kaguluhan sa mga kalapit lugar. (Rhoderick Beñez)