(Kabacan, North Cotabato/July 31, 2012) ---Isang
robbery hold-up ang naganap sa Sitio Malabuaya sa brgy. Kayaga, Kabacan,
Cotabato alas 12:30 ng madaling araw kahapon.
Ayon kay Police Inspector Tirso Pascual, ang
nasabing sasakyan ay isang maliit na Van na may plate # MFA 783 kulay dark blue
na biyaheng buhat sa cotabato city papuntang Kidapawan City ng mahold-up ng mga
armadong kalalakihan.
Hinarangan umano ng mga suspek ang kalsada na
dinaanan ng nasabing sasakyan kaya huminto ang driver.
Bigla namang tinutukan ang driver ng mataas na
kalibre ng baril at nagdeklara ng hold-up.
Agad namang tinangay ng mga armadong suspek ang
perang nagkakahalaga ng mahigit sa P3,500 at ilan pang mga mahahalagang gamit
ng pasahero.
Agad namang tumakas ng mga suspek ng malamang
may paparating na mga sasakyan kungsaan naka-bonnet ang mga ito.
Nagtamo naman ng sugat ang driver ng nasabing
sasakyan makaraang manlaban sa mga suspek.
Agad namang nagsagawa ng hot pursuit operation
ang mga elemento ng Kabacan PNP sa pangunguna ni P/Insp. Tirso Pascual.
(Rhoderick Beñez)
0 comments:
Mag-post ng isang Komento