Mag-pinsan, maswerteng nakaligtas sa pamamaril sa Kabacan, kagabi; bangkay naman ng lalaki natagpuang sa ilog ng Rio Grande de mindanao

(Kabacan, North Cotabato/July 30, 2012) ---Maswerteng nakaligtas ang dalawang magpinsan makaraang pagbabarilin ng mga di pa nakilalangmga suspek sa boundary ng Brgy. Dagupan at Aringay sa bayang ito alas 8:00 kagabi.

Kinilala ni Police Insp. Tirso Pascual ng Kabacan PNP, ang mga biktima na sina Carl Soriano at Ringo Soriano, parehong nasa tamang edad at kapwa residente ng Brgy. Dagupan.

Sa inisyal na imbestigasyon, inabangan umano ang dalawa habang sakay sa kanilang XRM na motorsiklo ng ratratin ng mga suspek.

Di naman tinamaan ng bala ang dalawa, pero nag tamo ng mga minor injuries na mabilis namang isinugod sa Kabacan Polymedic Hospital para mabigyan ng medikal na atensiyon.

Ayon sa opisyal narekober nila mula sa crime scene ang Pitong basyo ng armalite rifle.

Inaalam pa ng  mga pulisya kung anu ang motibo ng nasabing tangkang pagpatay sa dalawa.

Samantal sa iba pang mga balita, isang bangkay ng lalaki ang nakitang pa;utang-lutang sa ilog ng rio Grande de Mindanao alas 6:00 ng umaga nitong Sabado.

Ayon kay Supt. Raul Supiter, hepe ng Kabacan PNP ang biktima ay nagtamo ng tama ng bala sa kanyang ulo at sa dalawang kamay nito kung saan itinali ang dalawang kamay nito.

Ayon sa mga residente sa lugar ang biktima ay kilala umano sa tawag na Dodong Pogi, pero hanggang ngayon ay di pa rin batid ang totoong pagkakakilanlan ng biktima.

Ang biktima ay nakasuot ng kulat itim na t-shirt na may nakasulat na “Camaguin” at tattoo na Guardian na nakaguhit sa kanyang braso.

Ayon sa report, ang nakitang bangkay ay pang-apat na sa mga biktima ng summary execution na narekober simula buwan ng Hunyo, ayon sa report. (Rhoderick Beñez)