(Midsayap,
North Cotabato/August 3, 2012) ---Hinihikayat ng National Food Authority o NFA
ang mga magsasaka ng Pikit, Pigcawayan, Alamada, Libungan, Midsayap at Aleosan
na kung maari ay ibenta sa NFA warehouses ang mga palay na kanilang inani.
Sinabi ni
NFA XII Regional Director Cris Mangaoang, sinisikap ng NFA na bilhin ang mga
produkto ng rice farmers sa rehiyon base sa presyong itinakda ng batas. Ginawa
ito ni Director Mangaoan sa ginanap na Ugnayan sa mga magsasaka ng PPALMA sa
conference Hall ng opisina ni North Cotabato 1st District Cong.
Jesus Sacdalan sa MIdsayap.
Binigyang -
diin naman ng opisyal na hindi nakikipag- kompetensya ang NFA sa mga private
traders ngunit nais lamang nilang ipaalam ang malaking benipisyong makukuha ng
mga magsasaka mula sa NFA.
Kabilang na
dito ang cooperative development incentive fund na ipinamimigay ng NFA sa mga
magsasakang magbebenta ng palay sa kanilang ahensya.
Ayon kay
NFA North Cotabato Provincial Manager Fernando Nuṅez, target nilang makabili ng
abot sa 120 thousand bags of palay sa North Cotabato bago magtapos ang 2012.
Isa rin sa
mga rason kung bakit puspusan ang pagbili ng palay ng NFA ay upang magkaroon ng
sapat na pondo ng bigas. Reserba o buffer stock umano ito kung sakaling may
maganap na disaster o kakulangan sa bigas.
Malaking
tulong din sa karamihan ang mga palay na idinideliver sa NFA na siyang
pinagmumulan ng pondong bigas para sa feeding program ng DSWD na ipinatutupad
ng nutrition councils sa mga munisipyo. (Roderick Bautista)
0 comments:
Mag-post ng isang Komento