(Carmen, North Cotabato/June 11, 2012) ---Kalaboso
sa Carmen Lock-up cell ang isang 29 na taong gulang na lalaki dahil sa
kinakaharap nitong kasong panggagahasa.
Kinilala ni P/Chief Inps. Jordine Maribojo,
hepe ng Carmen PNP ang inaresto na si Ronald Sabaysabay Mahinay, may asawa at
residente ng Sitio Menline, Brgy. Liliongan bayan ng Carmen, North Cotabato.
Inaresto ang suspek batay sa warrant of
arrest na inisyu ng RTC Branch 22, Kabacan dahil sa kasong rape na may docketed
case number 05-375.
Ang nasabing suspek ay matagal na umanong
nagtatago sa batas pero nahuli ito sa mismong bahay niya alas 8:00 ng gabi
nitong Sabado dahil na rin sa isinagawang close surveillance ng itinatatag na
bagong tracking team ng Carmen PNP na pinamumunuan ni SPO2 Flet Jacinto.
sa ngayon pansamantala munang nasa kustodiya
ng Carmen PNP ang suspek habang inaayos ang kasong kakaharapin nito. (Rhoderick
Benez)
0 comments:
Mag-post ng isang Komento