(Kabacan, North Cotabato/ September 29,
2015) ---Patay ang isang 33-anyos na manicurista makaraang pagbabarilin ng di
pa nakilalang suspek sa Purok Krislam, Mantawil St., Poblacion, Kabacan, North
Cotabato pasado alas 3:00 kahapon.
Sa panayam ng DXVL News kay PSI Ronnie
Cordero, pinuno ng Kabacan PNP kinilala nito ang biktima na si Analyn Degobaton
Varona, 33-anyos at residente ng Brgy. 7, Bual, Midsayap, North Cotabato.
Batay sa inisyal na ulat, habang nasa harap
ng residence ni Joey Lebag ang biktima kasama ang customer nito na di pa
nakilala ng bigla na lamang nilapitan ng dalawang di pa nakilalang suspek lulan
ng motorsiklo si Varona at pinagbabaril ito.
Nagtamo ng tama ng bala sa pisngi ang
biktima na naging dahilan ng agaran nitong kamatayan.
Narekober sa crime scene ang 2 empty shell
ng kalibre .45 na pistol.
Nang makitang bulagta na ang biktima, agad
na tumakas ang suspek sa bahagi ng Sitio Lote, Brgy. Kayaga ng bayang ito.
Inaalam pa ngayon ng Kabacan PNP kung anu
ang motibo sa nasabing krimen habang patuloy pa nilang tinutugis ang mga suspek
na responsable sa krimen. Rhoderick
Beñez
0 comments:
Mag-post ng isang Komento