(Kabacan, North Cotabato/ July 19, 2014) ---Kulungan
ang bagsak ng dalawa katao makaraang mahuli ng mga elemento ng Kabacan PNP sa
isinagawang operation sita at kapkap bakal sa Rizal Avenue, National Highway,
Kabacan, Cotabato alas 4:30 ng madaling araw kamakalawa.
Kinilala ni Supt. Jordine Maribojo, hepe ng
Kabacan PNP ang mga suspek na sina Abdulgapor Ampatuan Manambuay, 29-anyos, may
asawa at magsasaka at ang kasama nitong si Edgar Mamasabulod, 31-anyos kapwa
residente ng brgy. Simbuhay ng bayang ito.
Nakuha mula kay Manambuay ang isang kalibre
.45 na pistol habang narekober naman sa posisyon ni Mamasabulod ang 2 piraso ng
cartridge case ng kalibre .45 napistol.
Nasabat din ng mga pulisya buhat sa mga
suspek ang kanilang sinasakyang motorsiklo na XRM 110 na walang mga kaukulang
dokumento kaya naka-impound ito ngayon sa Kabacan PNP.
Kapwa nasa kustodiya na ngayon ng Kabacan
PNP Lock up cell ang dalawang mga suspek.
Sinabi ni Supt. Maribojo na nahuli ang
suspek ilang oras bago nagsimula ang “Takbo para sa batang Kabakenyo” a fun run
for a cause ng DXVL FM kaninang umaga habang nagsasagwa sila ng clearing sa
erya sa dadaanan ng mga partisipante ng nasabing fun run. Rhoderick Beñez
0 comments:
Mag-post ng isang Komento