Registration para sa 2 malalaking event para sa Cotabato Centennial celebrations nagsimula na

Written by: Jimmy Santacruz

AMAS, Kidapawan City (Feb. 17) – Nag-umpisa na ang registration o pagpapatala para sa Centennial Photo Contest at Rodeo sa Cotabato na dalawa sa mha naglalakihang events sa pagdiriwang ng ika-100 taon ng Cotabato sa Sep. 1, 2014.

Ayon sa Provincial Development Cooperative Office o PCDO, in charge ng naturang aktribidad, may dalawang category ng Centennial Photo Contest at ito ay ang professional at amateur category.

Dapat ay angkop sa tema ng Cotabato Centennial Celebrations ang mga isusumiteng larawan.

Ang tema ng centennial ay nakasentro sa paggunita at paggbibigay galang sa kasaysayan ng Cotabato province at ang mga kultura, tradisyon at paniniwala ng iba’t-ibang grupo sa lalawigan.

Ang mismong mga larawan naman ay dapat naglalaman ng mga simbolo, tanawin, bagay, paniniwala, kaugalian, pagdiriwang, landmarks at iba pa na makikita sa Cotabato.

Tatanggap ng cash prize na P 20,000 ang mapipili bilang 1^st prize, P15,000 naman ang 2^nd prize at P 10,000 and 3^rd prize.

Bibigyan rin sila ng mga medals at certificates. May mga special awards din ibibigay sa mga kalahok.

Maaari ng magtungo sa tanggapan ng PCDO Provincial Capitol, Brgy. Amas, Kidapawan City ang mga nais o interesado sa contest.

Pwede rin silang tumawag sa 0919-868-0020 o mag-email sa pcdoamaskid@yahoo.com para sa karagdagang impormasyon patungkol sa contest.

Samantala, open na rin ang registration ng Rodeo sa Cotabato na gaganapin sa municipal grounds ng Pigcawayan, Cotabato sa darating na May 8-9, 2014.

Ayon sa Office of the Provincial Veterinarian o OPVET, mga mahuhusay na rodeo riders mula sa iba’t-ibang bahagi ng Mindanao ang inimbitahan para lumahok sa competition.

Tiniyak ng OPVET na kapana-panabik ang Rodeo sa Cotabato dahil maliban pa sa rodeo contest ay itatampok din ang iba pang competition tulad ng Search for Centennial Rodeo King and Queen, Rodeo Art Exhibit and Competition, Country Musin Singing Duo Contest, Search for Biggest Carabao at marami pang iba.

P 50,000 cash prize ang nag-aantay para sa grand champion, P 35,000 para sa 1^st runner-up at P 20,000 para sa 2^nd runner-up.

Maaari ng makipag-ugnayan sa OPVET ang mga interesado sa Rodeo sa Cotabato at tumawag sa tel. no. 064-278-7066 o bumisita sa kanilang tanggapan sa Provincial Capitol, Brgy. Amas, Kidapawan City.

Nilinaw naman ng OPVET na walang bayad o free admission ang Rodeo sa Cotabato kaya’t tiyak na dadagsa ang maraming spectators para mapanood ang kapana-panabik na aktibidad. (JIMMY STA. CRUZ/PG Cot. Media Center)