(Carmen, North Cotabato/ August 2, 2013) ---Isang
bangkay ng lalaki ang natagpuan sa Sitio Bunawan, Malapag, Carmen, North
cotabato alas 6:30 kahapon ng umaga.
Batay sa report ng Carmen PNP ang nasabing
bangkay ay natagpuan ng mga residente malapit sa tulay na nasa gilid ng Sayre
National Highway.
Mismong si Barangay Kapitan Federico Badoy
ang nagreport sa PNP at inilarawan ang bangkay na nasa edad 35-40 anyos.
5’7 ang taas.
Nakasuot ng kulay gray na T-shirt at may
markang Jeans vintage Tee at nakasuot ng Checkered cargo pants bilang pang-ibaba
nito.
Nakatali umano ang dalawang mga paa ng
biktima gamit ang mga masking tape habang tinalian din ang ulo nito gamit ang
jogging pants bago itinapon sa nasabing lugar.
Nabatid na nagtamo pa umano ang biktima ng
first burn degree.
Narekober din sa pinangyarihan ng insedente
ang 1 Nike green Jacket, curtains na may markang Djs Paradise.
Agad namang dinala ang nasabing salvage
victim sa Villa Funeral Homes sa bayan ng Carmen.
Panawagan ngayon ng Carmen PNP sa publiko na
kaung may miyembro kayo ng pamilya na di pa naka-uwi, makipag-ugnayan lamang sa
kanilang istasyon. (Rhoderick BEñEZ)
0 comments:
Mag-post ng isang Komento