(Kabacan, North Cotabato/ January 14, 2013)
---Binuo na ng Kabacan PNP sa koordinasyon ng Criminal Investigation and
Detection Group o CIDG sa pamamagitan ng
Regional PNP 12 ang Task Force Dulay para tutukan ang nangyaring pagpaslang kay
Kabacan Vice Mayor Policronio Dulay.
Sinabi ni P/Supt. Leo Ajero, hepe ng Kabacan
PNP na ang nangyari kay Vice Mayor Dulay ay pasok sa standard operating
procedure ng PNP na magbuo agad ng task force ego bastat’t elected official ang
napatay.
Ito makaraang magsagawa ng case conference
ang mga otoridad ng gabi ng Biyernes nu’ng mangyari ang insedente.
Kung
matatandaan, isang tama ng kalibre 45 pistola ang tumapos sa buhay ni Kabacan
vice mayor Policronio Dulay noong alas 3:00 ng hapon sa Kabacan, Cotabato.
Naganap
ang pamamaril sa harap ng Allan’s bookstore na nasa USM Avenue.
Ayon sa
isang tagapamahala ng nasabing establisiemento, nabatid na bumili ng kandila
ang opisyal at paglabas nito ng tindahan at papasakay na sana sa kanyang zusuki
scooter na may plakang 8028 ON nang barilin ng suspek. Isang bala ang tumama sa
kanang tagiliran ng biktima habang may isang pang balang hindi pumutok ang
narekober ng mga otoridad.
Bulagta
si vice-mayor sa mismong tabi ng kaniyang motorsiklo na kung pagbabatayan ay
papasakay pa lamang ito.
Samanatala,
maging sa hanay ng Pambansang Pulisya ay kinondena rin nila ang pamamaslang sa
opisyal, kungsaan panawagan naman ni Ajero sa publiko at sa lahat ng mga
ahensiya ng gobyerno na makipagtulungan sa kanila kung may nalalaman sa
nasabing pangyayari.
Sa
ngayon magpapalabas si Kabacan Mayor George Tan ng P200,000.00 para sa
ikadarakip ng suspek sa pagbaril patay kay Vice Mayor Pol Dulay. (Rhoderick
Beñez)
0 comments:
Mag-post ng isang Komento