Gov. Mendoza, binisita ang USM para maging tulay sa nagpapatuloy na kilos protesta

(USM, Kabacan, North Cotabato/ January 17, 2013) ---Iginiit ngayon ni Cotabato Governor Emmylou “Lala” Taliño Mendoza na wala sa kanyang kapangyarihan na pababain sa pwesto si USM Pres. Dr. Jesus Antonio Derije, na siyang ipinaglalaban ngayon ng mga nagsasagawa ng kilos protesta sa loob ng Pamantasan.

Ito ang sinabi ng opisyal matapos na binisita nito ang USM Main Campus kaninang tanghali para alamin ang totoong sitwasyon ng Pamantasan.

Aniya, magiging tulay lamang lamang siya para matuldukan na ang nasabing krisis sa Pamantasan.

Dagdag pa nito na ang kanyang pagpunta sa USM ay para tanggapin ang mga dokumentong ibibigay ng mga raliyesta para patutuhanan ang kanilang alegasyon sa diumano’y korupsiyon sa loob ng Pamantasan.

Matapos na naparalisa ng mga raliyesta ang operasyon ng USM sa ikaapat na araw ngayon, umaapela na ang gobernador sa mga nagsasagawa ng kilos protesta na ibalik na sa normal ang operasyon ngayong araw para makapag-aral na sa susunod na lingo ng maayos at mapayapa ang mga estudyante ng unibersidad, bagama’t  hanggang bukas pa ang kanilang permit.

Samantala para naman kay USM Pres. Dr. Jess Antonio Derije, tama ang ginawang aksiyon ng gobernador ng probinsiya na pagtanggap ng dokumento ng mga raliyesta para dalhin sa taas.

Ayon sa Pangulo, hihintayin umano nito ang proseso matapos na naibigay na ang mga dokumento sa kinauukulan.

Kaugnay nito, sumasang-ayon naman si Dr. Alimen Sencil, isa sa mga lider ng nasabing kilos protesta sa nasabing hakbang ng gobernador na dadalhin ang kanilang naibigay na dokumento sa Pangulo ng Pilipinas.

Dagdag pa ni Sencil na pabor ang kanilang grupo sa sinabi ng opisyal na ibalik na sa normal ang pasok ng mga mag-aaral ng USm at mga kawani, pero ang pag-papaalis sa kanilang grupo sa harap ng admin building ay siya pang kanilang pag-uusapan ngayong hapon.

Hiling kasi ng kampo ni Dr. Sencil na mag-file ng leave of absence ang Pangulo hanggang sa katapusan ng duration ng election, kungsaan nagpahayg din ang opisyal ng kanyang mensahe sa DXVL na makonsensiya umano si Dr. Derije sa dahil sa mga nangyayari ngayon, ayon pa kay Sencil.

Nagpalabas din ng reaksyion ang panig ng Non-Government Organization sa katauhan ni Abby Pato mula sa kampo ng raliyesta matapos ang ginawang pronouncement ni Gov. Lala na kungsaan ay nanindigan pa rin umano sila sa kanilang ipinaglalaban.

Dahil sa lumalalang sitwasyon sa loob ng Unibersidad, namagitan na rin sa nasabing usapin si Datu Jimmy Matalam, isa sa mga maimpluwensiyang datu sa lugar, aniya dahil sa karamihan sa mga nagrarally ay mga Muslims, paki-usapan nito naitigil na ang nasabing kilos protesta para sa gayun ay makabalik na sa pag-aaral ang mga estudyante na ilang araw na ring nasuspendi ang klase at pasok ng mga empleyado ng USM, resulta ng nagaganap na tensiyon sa Pamantasan.

Dahil dito agad namang inatasan ngayon ni Dr. Derije ang Pulisya at militar kasama na ang mga USm Security Force para ipatupad ang maximum tolerance para hindi magkasakitan sa nasabing kilos protesta.

Sinabi rin ng Pangulo na handa naman umanong makipagdiyalogo at pag-usapan kung anu ang puno’t dulo ng nasabing krisis sa Pamantasan sa kanyang patuloy na alok sa kampo naman ng mga raliyesta partikular sa mga lider nito.

Sa ngayon nakapalibot naman sa USM Administration building ang mga pulisya at ilang elemento ng militar habang nagpapatuloy ang nasabing kilos protesta.

Ang bahagi naman ng USM Main gate ay isinara pa rin ng mga raliyesta pero maari naming makadaan ang tao maliban na lamang sa mga tricycle at mga sasakyan.

Ang daanan sa Machinery papuntang USM ospital ay binuksan na rin kungsaan inalis na rin sa lugar kahapon ng hapon ang malalaking sasakyan na nakaharang doon.

Dumating rin ang dalawang tangke de giyera tropa ng military para i-kontrol ang nasabing daanan.

Sa kabuuan bagama’t naging tensiyunado sa ikatlong araw ng kilos protesta ay sinabi ng mga pulisya na naging mapayapa naman sa ika-apat na arawa ang nasabing rally. (Rhoderick Beñez)