(Carmen, North Cotabato/ September 24,
2012) ---Arestado ang dalawa katao sa magkahiwalay na operasyon ng Carmen PNP
laban sa illegal na sugal.
Kinilala ni PCI Jordine Maribojo, hepe ng
Carmen PNP ang mga nahuli na sina Jimmy Padilla at Rudy Espina, nasa tamang
edad at kapwa residente ng Poblacion, Carmen, North Cotabato.
Ang mga suspek ay nahuli habang inilulunsad
ng Carmen PNP ang kanilang operasyon hinggil sa anti-gambling mula Setyembre
a-18 hanggang 21.
Batay sa report, naaktuhang nagpapataya ang
mga ito sa game of chance na mas kilala sa tawag sa “Last 2 digits”.
Nakumpiska mula sa mga ito ang cash money na
P1, 170.
Inihahanda na ng Carmen PNP ang kasong
kakaharapin ng dalawa.
Kaugnay nito, sinabi ni Maribojo na mas
pinaigting pa nila ngayon ang kanilang kampanya kontra anumang krimen,
particular na dito ang illegal possession of firearms/explosives, illegal drugs
at anti-illegal logging, ito ay sa pakikipatulungan nila sa militar at sa
suporta ng mga mamamayan ng bayan ng Carmen. (Rhoderick Beñez)
0 comments:
Mag-post ng isang Komento