Pasiklaban Fever, ramdam na sa USM

(USM, Kabacan, North Cotabato/September 28, 2012) ---Ramdam na ramdam na ng mga nasa mahigit 16 na libong estudyante ng USM ang taunan at prestihiyosong Pasiklaban Festival kasabay pa rin ng pagdiriwang ng ika-60 taong anibersaryo ng pagkakatatag ng USM ngayong taon.

Iba’t-ibang mga aktibidad ang inihanda ng pamunuan ng University Student Government kabilang na ang Masaya at mahabang torch parade na sasalihan naman ng iba’t-ibang clubs, organizations, society at mga non-academic organizations mamayang gabi.

Bukod dito, mula pa nitong Lunes, rain or shine naman ang mga estudyante sa pagggawa ng kani-kanilang mga booths sa USM Quadrangle. Tila extended din ang gabi sa USM dahil sa maraming mga display sa paligid ng USM Quadrangle.

Tema ng Pasiklaban 2012 ay “Ikalabing-walang siklab ng Pasiklaban, muling Pasisiklabin”.

Samantala, kagabi ay matagumpay namang idinaos ang search for Mr. and Ms. USM 2012 sa USM Gym. Nagsimula ang programa dakong alas-4 ng hapon kahapon kung saan nagpatalbugan ng ganda, kisig at talino ang mga kalahok na nagmula sa iba’t-ibang Kolehiyo ng USM. Para sa karagdagang update kaugnay sa resulta sa aktibidad kagabi, tumutok lamang sa DXVL Radyo ng Bayan.