Speed Limit sa bayan ng Kabacan, pasado na sa SB

(Kabacan, North Cotabato/ August 27, 2015) ---Pasado na sa ikatlo at huling pagbasa ang panukalang ‘speed limit’ sa National Highway sa bayan ng Kabacan.

Ito ang sinabi ni Vice Mayor Myra Dulay Bade kungsaan nito pang buwan ng Hulyo ito naisalang sa deliberasyon sa SB at sa huli ay naipasa na rin ito.

Pero ayon sa opisyal hindi pa naibalik sa tanggapan ng Sanggunian kung ito ay nalagdaan na ni Mayor Herlo Guzman Jr. upang ito ay maging ganap ng batas.

Sakali mang mapirmahan na ng alkalde ang naturang ordinansa ay malaking tulong upang malimitahan ang mga aksidente sa National Highway at makakatulong din sa pagsugpo ng kriminalidad sa bayan. 

Samantala, ito rin ang isinusulong na panukala ng SB Makilala.

Pero ang naturang ordinansa ay hindi pumasa sa Sangguniang Panlalawigan dahil sa kakulangan ng mga dokumento para mapalakas ang nasabing panukala.

Pero dahil sa mga sunod-sunod na aksidente sa daan, muling iginiit ni Makilala Municipal Councilor Pedro Ang ang speed limit ordinance.

Aniya ang implementasyon ng Ordinansa ay magsisilbing daan para wala ng masayang na buhay dahil sa over speeding at maprotektahan din nito ang mga mamamayan laban sa mga pasaway na motorista.

Kayaga sa bayan ng Kabacan, posibleng ipapatupad din ang 30kph-40kph na bilis ng takbo ng mga sasakyan sa mga highway na matatamaan ng speed limit. Rhoderick Beñez