Mga kandidata ng Mutya ng NCot 2014 nagpatalbugan sa Haute Couture at Talent Night

By: Jimmy Sta. Cruz

Kapanapanabik at makapigil-hininga. Ito ang nasambit ng libu-libong mga nanood ng pinaka-aabangang Haute Couture at Talent Night ng mga kanddidata ng Mutya ng North Cotabato 2014 – Centennial Queen na ginanap sa Magpet gym noong nitong Biyernes ng gabi.

Unang sumalang sa Haute Couture ang mga kandidata kung saan suot nila ang iba’t-ibang dress creations o mga damit na ang motif ay indigenous.

Hindi magkamayaw ang mga tao lalo na ang mga supporters at fans ng magsimula ng rumampa ang 15 mga kandidata sa entablado at naghiyawan at pakpalakan ang mga ito.

Ayon sa Mutya ng North Cotabato Technical Working Group and Screening Committee Head na si Ralph Ryan Rafael, abot sa 5,000 katao ang dumagsa sa Magpet gym kung kaya’t punung-puno ang palibot nito.

Nagningning naman ang bawat kandidata sa suot nilang fashion creations na ang layunin ay ipakita ang ganda at yaman ng mga kauotan ng mga katutubo sa lalawigan ng Cotabato.  

Lalo pang dumagundong ang gym ng Magpet  ng magpakita na ng talento ang bawat kandidata kung saan iba’t-ibang husay sa pagsayaw, pagkanta at pag arte ang kanilang ipinamalas.

Limang mga kandidata naman ang nanguna sa Hatue Couture at lima rin sa Talent presentation.

Para sa Haute Couture ang top 5 ay sina Candidate no. 12 Shyrene Allado, Candidate No. 12 Keziah Arroyo, Candidate No. 6 Charmaine Fajanela, Candidate No. 7 Clarice Faith V. Tero at Candidate no. 3 Liezel Libria.

 Top 5 naman sa Talent Presentation sina candidate no.8 Mungan E. Mamparair, Candidate no. 6- Charmaine Fajanela, Candidate no. 3 Liezel A. Libria, Candidate No. 9- Antoinette V Relasyon  at Candidate no. 7 - Clarice Faith V. Tero.

Naging matagumpay naman ang Haute Couture at Talent Night matapos ang mahusay na pagtutulungan at koordinasyon ng Provincial Government of Cotabato at Magpet Local Government Unit.

Samantala, gaganapin ang Grand Pageant and Coronation Night ng Mutya ng North Cotabato sa Provincial Capitol Gym sa darating na August 25, 2014 ganap na alas-sais ng gabi. (JIMMY STA. CRUZ/PGO Media Center)