 |
| Photo from FB |
(Matalam, North Cotabato/ August 8, 2014)
---Dead on arrival sa bahay pagamutan ang isang 4th year College
Student ng University of Southern Mindanao makaraang masangkot sa vehicular
accident sa National Highway partikular sa harap ng Bersola residence,
Poblacion, Matalam, North Cotabato alas 3:00 kahapon ng hapon.
Kinilala ni PCInsp. Elias Diosma Colonia,
hepe ng Matalam PNP ang nasawing biktima na si Philip John Dalodado Torres,
22-anyos, 4th year College Student ng USM at residente ng Katidtuan,
Kabacan.
Sa ulat na ipinarating sa DXVL News ni SP01
Froilan Gravidez ng Matalam PNP nabatid na kapwa tinatahak ng biktima ang
kahabaan ng National Highway buhat sa Poblacion, Antipas papunta dito sa bayan
ng Kabacan.
Lulan si Torres ng isang Kawasaki Rouser 220
na may license plate number 4797MU habang sakay naman sa isang Honda XRM 125
ang isa pang estudyante ng USM na kinilalang si Vincarl Buenaflor Carreon,
21-anyos na residente ng San Mateo, Aleosan.
Napag-alaman na nag-overtake umano ang
dalawa sa isang dumptruck na nasa unahan ng mga ito pero aksidenteng nasalpok
ng Kawasaki Rouser ang Honda XRM at dahil sa lakas ng pagkaka-bangga tumilapon
ang biktimang si Torres sa kalsada.
Naisugod pa ang biktima sa Babol General
Hospital pero di na ito umabot pa ng buhay.
Sa ngayon patuloy pa ang ginagawang
imbestigasyon ng mga otoridad sa naturang insidente. Rhoderick Beñez
0 comments:
Mag-post ng isang Komento