Banana Industry, palalakasin sa Central Mindanao

(Kabacan, North Cotabato/ September 6, 2013) ---Malaking tulong para sa ikauunlad ng Banana Industry ang planung pagpapalawak sa nasabing plantasyon.

Ayon kay Region 12 Banana Industry council President Ecclesiastes Roque na ang naturang hakbang ay malaking tulong para sa mga magsasaka na madagdagan ang kita ng mga ito.

Kaugnay nito, ikinatuwa naman ng maraming banana planters ang paglaan ng Department of Agriculture - 12 ng 12 milyong piso upang mapaunlad ang industriya ng saging sa Region 12.

Aminado naman si DA-12 Regional Director Amalia Datukan na ang pagpapalago ng industriya ng saging ay tutulong upang palakasin ang ekonomiya ng Central Mindanao.

Naniniwala ang mga banna planters na malaking tulong ang pondo upang mapabuti ang pagtatanim at pagbebenta nila ng saging.

Batay sa tala ng Bureau of Agricultural Statistics ng Region 12, abot sa 30 libongektarya ng lupain sa ating rehiyon ang may tanim na saging.

Tinatayang abot naman sa 1.1 million metric tons ang naproduce na saging ng region 12 noong 2012.

Sa ngayon, ang rehiyon ang pinakamalaking producer ng saging na lakatan sa buong Mindanao.

Pangatlo rin ang Region 12 sa pinakamalaking producer ng Cavendish banana sa buong Pilipinas. (Rhoderick Beñez)