Siksikan sa huling araw ng CoC filing sa iba’t ibang election offices sa North Cotabato inaasahan na – ayon sa Comelec; ABC Pres nag-file ng kanyang COC sa pagka-alkalde ng bayan ng Kabacan

(October 5, 2012) ---Hanggang kahapon, matumal pa rin ang pag-file ng mga certificate of candidacy o CoC sa iba’t ibang mga election offices sa North Cotabato.

     

Sa Makilala, ta-tatlo pa lang ang nagpa-file ng kanilang CoC sa pagka-konsehal.   Lahat sila independent candidates.

     

Sa Kidapawan City, tatlo nang mga kandidato sa pagka-alkalde ang nag-submit ng kanilang CoC.

     

Una rito si Manuel Adajar, sumunod si Joseph Evangelista ng Liberal Party, at Engr. Ernido Gantuangco bilang independent candidate.

     

Kasabay din ni Evangelista sa pag-file ng CoC ang buo niya’ng line-up – simula vice-mayor hanggang sa konsehal.

     

Vice-Mayor niya, sa ilalim ng Liberal Party, si incumbent City Mayor Rodolfo Gantuangco.

      

Sampu ang kandidato pagka-konsehal sa ilalim ng line-up ni Evangelista, kasama na rito ang pitong mga incumbent city councilors.

      

Lima ang kandidato pagka-konsehal sa line-up ni Engr. Gantuangco, at isa ang kandidato sa ilalim ng Makabayan Party.

      

Sa Matalam, halos sabay-sabay naman na nagfile ng CoC ang kasapi ng Partido’ng Masa, kahapon.

        

Pinangunahan ito ni Saturnino Amatac na tatakbo bilang alkalde at Jeffrey Sungkaya sa pagka-bise-mayor, at walo naman ang tatakbo bilang konsehal.

        

Sa Kabacan, halos sabay ding nagdeklara ng kandidatura sina Herlo Gurman Jr. na tatakbo bilang mayor at Datu Maido Sultan sa pagka-bise mayor, kapwa mga independent candidates.

        

Abot naman sa labintatlo ang tatakbo sa sanggunian ng bayan sa Kabacan.

      

Sa M’lang, nag-file ng kanyang re-election bid pagka-mayor si Joselito Pinol.   Nag-file din ng kanilang mga CoC sina Joselito Mercado bilang alkalde at Elberta Tejada bilang bise-alkalde.

      

Kasama rin nilang nagfile ng COC ang walo’ng independent candidates para sa pagka-konsehal.

      

SA TULUNAN, lima na mga independent candidates ang nadagdag sa mga nag-file ng CoC.

      

SA PIKIT, isang independent candidate ang nag-file ng CoC pagka-konsehal.

        

Muli, nagpaalala ang Comelec sa mga kandidato na mag-file na ng kanilang CoC bago ang 5 oclock.

      

Dahil paglagpas ng 5 oclock, sarado na ang kanilang mga opisina.