(Kabacan, North Cotabato/August 7, 2012) ---Puspusan
na ang paghahanda ng pamahalaang lokal ng bayan ng kabacan para sa nalalapit na
selebrasyon ng 65th Founding Anniversary ng bayan ng Kabacan.
Ayon kay Human Resource Management Officer
Grace Ullo nito pang Hunyo a-23 nagsimula ang Inter Brgy. Basketball tournament
sa Municipal Gym ng Kabacan.
Kabilang sa mga aktibidad na inihanda ng LGU
Kabacan para sa nasabing fiesta ay ang Search for Functional BCPC at Search for
Best ESWM Barangay Implementor, Lawn Tennis tournament at 10-Ball Billiard
tournament sa Mezada Hall sa August 8.
Sa Agosto 15 naman, itatampok ang Alay Gupit
para sa Mamamayan, Inter-faith thanksgiving service, Agri-Trade Fair, Brgy.
Day, Motocross competition.
Sa araw ding iyon hanggang sa Agosto 16 ay
isasagawa ang Free Registration of Livebirth Certificate sa Munisipyo, DIANA,
“Takbo at Padyak Ko, Edukasyon Mo”, Medical, Dental at Bloodletting na
isasagawa naman sa Municipal Plaza, Himig Sayaw at Musika –folk dance
competition na gagawin naman sa Mun. Gym at Search for Ms. Gay Persona 2012.
Mula naman sa Agosto 17 hanggang sa 18,
isasagawa ang Drum & Lyre Competition, Himig Sayaw at Musika—Hiphop
competition, Employment Caravan, Grand Anniversary Parade na magsisimula sa
KPCS Ground alas 6:30 ng umaga sa August 18 at susundan ng Anniversary program
alas 9:00 ng umaga at gaya-gaya portion sa hapon.
Nakatuon ang selebrasyon sa temang
“Kabakenos, Nagkakaisa para sa hapon ng Climate Change”. (Rhoderick Beñez)
0 comments:
Mag-post ng isang Komento