(Kidapawan City/August 20, 2012) ---Patay ang isang
22-anyos na binata habang sugatan ang isa pang kasama nito makaraang masangkot
sa vehicular accident sa highway ng Barangay Balindog, Kidapawan City, pasado
alas onse ng gabi noong sabado.
Ayon sa report ng Kidapawan City PNP Traffic section,
pauwi na ng Kabacan mula Kidapawan City sina Ian Agusen, 22, ng Barangay
Bannawag; at Marlon Bernandez, 24, ng Roxas Street, Poblacion ng bayan, nang
mangyari ang aksidente.
Nawalan umano ng kontrol si Agusen na driver ng Suzuki
raider na may plakang 1823 YX kaya’t tumilapon ang mga ito sa sementadong
kalsada.
Isinugod sa Madonna General Hospital ang mga
biktima, ngunit si Agusen, binawian ng buhay, pasado ala una ng madaling araw
kahapon.
Sa ngayon, patuloy pa ring ginagamot si Bernandez sa
ospital dahil sa mga sugat na natamo niya.
Dahil sa aksidente, payo ng pulisya, ‘wag nang magmaneho
kapag nakainom ng nakakalasing na inumin upang iwas disgrasya.
0 comments:
Mag-post ng isang Komento