(Kabacan, North Cotabato/ May 8, 2014) ---Kalaboso
ngayon sa Kabacan lock up cell ang isang tulak droga ng madatnan ng DXVL News
team sa himpilan ng Kabacan PNP kahapon ng umaga.
Kinilala ni Supt. Jordine Maribojo, hepe ng
Kabacan PNP ang suspek na si Roger Tatak Abpi, 28-anyos, kasado, tricycle
driver at residente ng Kabasalan, Pikit, Cotabato.
Batay sa ulat, sakay ang dalawang mga suspek
ng motorsiklo papunta sa bahagi ng Quirino St., pero ng parahin ng mga tanod,
imbes na huminto, tumalilis ang mga ito.
Kaya hinabol ang mga ito ng mga rumespondeng
elemento ng PNP at mga Barangay Peace Keeping Action team o BPAT.
Lumusot ang mga ito sa National Highway sa
bahagi ng Brgy. Osias pero ng makarating ang dalawa sa hangganan ng Kabacan at
Matalam natumba ang sinsakyan nilang motorsiklo.
Kaya nasakote ang isa sa mga suspek.
Nakatakas naman ang isa pa.
Sa isinagawang body search ng mga elemento
ng Kabacan PNP nakuha mula kay Abpi ang isang piraso ng plastic heat sealed
sachet na naglalaman ng shabu, ilang illegal drug paraphernalia’s baril na
isang kalibre .45 na pistol at apat na mga bala.
Sa ngayon, nakapiit sa Kabacan lock up cell
ang suspek habang patuloy namang tinutugis ang isa pa nitong kasama.
Nabatid mula kay Supt. Maribojo na ang
suspek ay kasama sa mga Oraganized Group Group na may operasyon sa Kabacan at
mga kalapit lugar nito.
Patong-patong namang kaso ang kakaharapin ng
suspek. Rhoderick BeñezUSM Devcom intern
Zhaira Sinolinding DXVL NEWS
0 comments:
Mag-post ng isang Komento