(Kabacan, North Cotabato/ May 6, 2014) ---Nakumpiska
ng pinagsanib na pwersa ng mga elemento ng Kabacan PNP ang isang trailer na
lulan ng mga illegal logs makaraang abandonahin sa kalsada na nasa bahagi ng
Abellera St., Poblacion, Kabacan, Cotabato alas 8:20 kamakalawa ng gabi.
Ayon kay Supt. Jordine Maribojo, hepe ng
Kabacan PNP ang nasabing hand-tractor na may lulang mahigit kumulang 300 board
feet na illegally cut logs ay iniwan ng mga di pa nakilalang suspek makaraang
matunugan ng mga ito ang mahigpit na police visibility at guarding system na
ipinapatupad ng Barangay Peace Keeping Action Team o BPAT sa lugar.
Ang nasabing mga kahoy ay buhat sa Barangay
Pisan at plano sanang iluwas sa Poblacion ng Kabacan.
Agad namang tumakas ang drayber at pahinante
ng nasabing hand-tractor sa di malamang direksiyon.
Sa ngayon, dinala na sa Kabacan MPS ang
iba’t-ibang putol at haba ng nasabing kahoy at nakatakdang i-turn-over sa MENRO
Kabacan. Rhoderick Beñez
0 comments:
Mag-post ng isang Komento