(Kabacan, North
Cotabato/ October 22, 2013) ---Kulungan ang bagsak ng dalawa katao matapos na
mahulihan ng ipinagbabawal na droga sa Kabacan kahapon.
Sa report ni PCInsp.
Jordine Maribojo, hepe ng Kabacan PNP alas 3:00 ng madaling araw kahapon ng
unang mahuli ang suspek na kinilalang si Efren Orpia Nebria, 33-anyos at residente
ng Gen. Luna, Carmen, Cotabato.
Nakuhan mula sa posisyon
ng suspek ang mga illegal drug paraphernalia at dalawang sachet na naglalaman
ng shabu.
Nahuli si Nebria habang
nagsasagawa ng dawntime patrol operation ang pulisya sa bahagi ng Corner National
Highway at Masagana St., Pobalcion, Kabacan.
Samantala, huli naman ng
mga otoridad sa isinagawa nilang checkpoint operation sa may bahagi ng Abellera
St., ang isang Joseph Guiambangan, 20-anyos at residente ng Plang Village
matapos na makuhanan ng dahon at ugat ng Marijuana na nakabalot sa newspaper.
Nahuli ang suspek pasado
alas 2:00 kahapon ng hapon.
Bukod sa nabanggit
nakuha din mula kay Guiambangan ang “alcoy” na naglalaman ng Marijuana.
Sa ngayon, kapwa
nakapiit sa Kabacan lock-up cell ang dalawa habang inihahanda ang kaukulang
kasong isasampa laban sa mga ito. Rhoderick
Beñez
0 comments:
Mag-post ng isang Komento