(Kabacan, North Cotabato/March 22, 2012) ---Bumigay
ang poste ng kuryente sa may bahagi ng Bulit, Datu Montawal, Maguindanao kagabi
dahilan kung bakit nakakaranas ng higit sa anim na oras na power interruption
ang service erya ng cotelco sa feeder 11 bago mag-alas 12 ng hating gabi.
Ito ang sinabi sa DXVL ngayong umaga ni
cotelco board director Samuel Dapon, pero agad naman nitong ipinag-utos sa mga
line men nila na ayusin ang nasabing aberya na nagdulot ng perwisyo sa ilan.
Agad namang bumalik ang serbisyo ng kuryente
sa feeder 11 bago mag –alas 7:00 ngayong umaga.
Una rito, patuloy pa rin na makakaranas ng
lima hanggang anim na rotating brown out ang service erya ng cotelco dahil sa
patuloy na lumalalang krisis sa enerhiya sa Mindanao. (Rhoderick Beñez)
0 comments:
Mag-post ng isang Komento