(Kidapawan city/ May 22,
2013) ---Patay ang 40-anyos na anak ng radio broadkaster makaraang makuryente
sa harap ng istasyon ng Radyo sa Kidapawan city alas 10:20 ng umaga noong (May
21, 2013).
Kinilala ng pulisya ang
biktima na si Marlon Gonzales, 40 anyos, may asawa at anak ni Romulo Gonzales,
anchorman ng programang Debate tuwing alas 7 hanggang alas 8:00 ng umaga sa
90.3 Charm Radio.
Ayon sa ulat ng pulisya nanunungkit ng bunga ng mangga ang biktima gamit ang mahabang stainless na bakal sa harap ng himpilan nito ng aksidenteng masagi ang live wire ng Cotabato Electric Cooperative, Inc, o (Cotelco).
Dahil sa lakas ng boltahe ng kuryente at tumilapon ang biktima mula sa kanyang kinatatayuan.
Agad itong naisugod sa isang pagamutan sa Kidapawan City ngunit dina umabot ng buhay.
Nakahanda namang tumulong ang may-ari ng Charm Radio na si dating Congressman Atty Gregorio”Greg” Andolana sa pamilya ng biktima. (Rhoderick Beñez)
0 comments:
Mag-post ng isang Komento