(Kabacan, North Cotabato/ December 18, 2012)
---Kulungan ang bagsak ng isang kasapi ng 3rd Sex matapos na
maaresto ng Kabacan PNP sa isinagawang buy bust operation ng mga ito sa USM
Avenue, Poblacion, Kabacan, Cotabato alas 12:40 ng tanghali kahapon.
Kinilala ng Kabacan PNP ang suspek na si
Sainudin Maco Salmorin, 31, single, beautician at residente ng Purok Miracle ng
nabanggit na lugar.
Nakuha mula sa posisyon ng suspek ang isang
piraso ng plastic heat sealed sachet na naglalaman ng pinaniniwalaang shabu.
Sa ngayon nasa kustodiya ng Kabacan PNP ang
suspek habang inihahanda ang kasong kakaharapin nitong paglabag sa RA 9165 o
Dangerous drugs act of 2002.
Samantala sa iba pang mga balita, arestado
ang isang tulak droga sa Sitio Tawan-tawan, Brgy. Poblacion, Carmen, North
Cotabato alas 4:00 ng hapon kahapon.
Kinilala ni PC/Insp. Jordine Maribojo, hepe
ng Carmen PNP ang suspek na si Akmad Simpal alias Madz/soy, nasa tamang edad at
resident eng Purok 13, Poblacion ng nabanggit na lugar.
Nanguna sa pag-aresto sa suspek sina P02
Richard Uyasan at P01 Mark John Penaso na nagsagawa ng buybust operation.
Batay sa inisyal na pagsisiyasat, nanlaban
umano ang suspek ng siya ay arestuhin ng mga otoridad at binunot nito ang baril
ni P01 Penaso habang inaagaw nito ang nasabing baril ay tinamaan ang suspek sa
kanyang kaliwang daliri.
Nang mapahupa si Simpal, doon na at
narekober mula sa kanyang posisyon ang 8 sachet ng suspected shabu, 1 unit ng
kalibre 38 na baril, 4 na piraso ng live ammos at ang P500 na marked money.
Ang mga narekober na ebedensiya ay
isinailalim na sa crime laboratory habang inihahanda naman ngmga otoridad ang
kasong kakaharapin nito. (Rhoderick Beñez)
0 comments:
Mag-post ng isang Komento