Myembro sa trird Sex, nalunod sa Malasila river

(Makilala, North Cotabato/ November 12, 2012) ---Patuloy ngayon ang ginagawang search and rescue operation ng mga tanod at pulisya sa nalunod na miyembro ng third sex sa Malasila river sa bayan ng Makilala, alas 2:30 kamakalawa ng hapon.

Kinilala ang biktima sa pangalang Argie Javier, 18 residente ng Sitio New Corilla, Poblacion, Makilala.

Ayon sa report, papauwi na ang kanilang grupo matapos mag-inuman sa isang tindahan pero bigla lamang umanong lumukso ang biktima sa gitna ng rumaragsang tubig ng ilog.

Sa unang pagkakataon ay nagawa pa nitong makatayo sa gitna ng ilog pero sa ikalawang pagkakataon ay tuluyan nang nalunod si Javier dala ng malakas na current ng Malasila river, ito dahil sa pag taas ng tubig sa nabanggit na ilog dala ng malakas na buhos ng ulan.

Agad namang nagsagawa search and rescue operation ang mga pulisya kasama ang Brgy officials, BPAT members, at ang ilang mga residente sa paligid subalit bigo po nilang maahon ang katawan ni Javier.

Ang Malasila river isa sa apat na malalaking ilog sa bayan ng Makilala na buhat sa nasabing bayan papuntang bayan ng Mlang at Tulunan. (Rhoderick Beñez)