Apo ng founder ng USM top 4 sa katatapos na LEV; USM may 17 bagong mga Veterinarians

(USM, Kabacan, North Cotabato/September 4, 2012) ---Isang malaking karangalan hindi lamang sa College of Veterinary Medicine kundi maging sa University of Southern Mindanao matapos na mamayagpag sa top 4 ang isang graduate ng USM sa katatapos na Licensure examinations for veterinarians.

Kinilala ni Review Coordinator at Class adviser Dr. Lilian Lumbao ang 4^th Placer na si Dr. Julius Czar Moreno Bayan, apo ng nagtatag ng USM na si Haj Bai Fatima Matabai Plang.

Sinabi ni Dr. lumbao na ang eksaminasyon ay isinagawa sa Capitol University sa Cagayan de oro city at sa Manila noong Agosto a-26 hanggang 28, 2012.

Sa Pitung daan at tatlong (703) mga kumuha ng exams, abot lamang sa dalawang daan at tatlumpu (230) ang mga nakapasa.

Samantala may 32.72% na national Passing rate ang USM.

Sa 33 mga kumuka ng Licensure Examination for veterinarian mula sa USM, 17 dito ang nakapasa dahilan kung bakit nakuha ng USM ang passing rate nito na 51.52%.

Sa 25 mga veterinary schools sa buong bansa, nasa ikatlong pwesto ang USM batay sa 30 at higit na mga examinees.

Nangunguna dito ang UPLB na may 58 takers katumbas ng 84.48% sinusundan ito ng CLSU o Central Luzon state University na may 58-takers katumbas ng 55.17% at pumapangatlo dito ang University of southern Mindanao na may 33 takers katumbas ng 51.52%.

Lubos naman ang pasasalamat ni CVM Dean Dr. Emerlie Okit sa mga nagsikap ng estudyante, kasama ang kanyang mga co-teachers, sa USM Administrative council at higit sa lahat sa Panginoong Diyos kungsaan ibinabalik nito ang lahat ng tagumpay at papuri sa kanya lamang. (Rhoderick Beñez)