(Kabacan, North Cotabato/
November 16, 2013) ---Patay ang 34-anyos na magsasaka habang lulan sa kanyang
motorsiklo ng pagbabarilin ng riding in tandem assassins sa may bahagi ng Sitio
Lumayong, Barangay Kayaga, Kabacan, Cotabato alas 12:55 ng tanghali (November
12, 2013).
Kinilala ni PCInsp. Jordine
Maribojo, hepe ng Kabacan PNP ang biktima na si Nakan Salapudin, may asawa at
residente ng Kilangan, Pagalungan, Maguindanao.
Sa inisyal na pagsisiyasat,
sakay umano ang biktima sa motorsiklo na minamaneho ng kanyang pamangkin kasama
ang anak nitong babae na ang-kas ng sundan ang mga ito at pagbabarilin ng mga
suspek habang tinatahak ang kabahaan ng National Highway.
Nagtamo ng iba’t-ibang tama ng
bala ang biktima sa iba’t-ibang bahagi ng katawan nito.
Naisugod pa sa pinakamalapit na
bahay bahay pagamutan dito sa bayan ng Kabacan si Salapudin pero ideneklara na
itong patay ng mga attending physician.
Agad namang tumakas ang mga
suspek papalayo sa bahagi ng Nimbalod, Datu Montawal, Maguindanao matapos
maisakatuparan ang masamang balakin.
Hindi pa malinaw kung anu ang
motibo sa nasabing pamamaslang habang nagpapatuloy ang malalimang imbestigasyon
ng mga pulisya. Rhoderick Beñez
0 comments:
Mag-post ng isang Komento