(Midsayap,
North Cotabato/ November 11, 2013) ---Dapat umanong abangan ng mga Midsayapeṅos
ang grand pageant night ng taunang Search for Binibining Midsayap na gaganapin
ngayong darating na a-23 ng Nobyembre sa municipal gymnasium.
Ngayong
taon ay pinangunahan ng PPALMA Citizens’ Alliance Against Crime and Violence o
PCAACV sa tulong ng lokal na pamahalaan ng Midsayap ang pag- organisa ng
nasabing produksyon, ito ayon sa Report ni PPALma News Correspondent ni
Roderick Rivera Bautista.
Kaugnay
nito ay inanunsyo ng Binibining Midsayap 2013 Executive Committee ang special
performance na gagawin ng Pilipinas Got Talent o PGT Season 1 Finalist na si
Markki Stroem.
Ayon
sa komite, ang pag-imbita kay Stroem ay naglalayong pasiyahin ang mga Midsayapeṅos
sa pagdiriwang ng ika- 77 anibersaryo ng bayan.
Maliban
sa kanyang special performance ay haharanahin din ng PGT Finalist ang mga
kandidata ng nasabing beauty contest.
Magsisilbi
ring hurado si Stroem sa pageant night kung saan magtatagisan sa pagandahan at
pagrampa ang mga kandidata sa mga kategoryang couture dress, playsuit, at gown.
Maliban
sa pagiging mahusay na singer, nakilala rin si Stroem sa kanyang dramatic
instrumental playing ng saxophone at piano.
Isa
rin siya sa mga ipinagmamalaking talent ng Star Magic dahil sa angking galing
nito bilang songwriter, arranger, producer, actor, modelo at direktor.
Samantala,
umaasa naman ang pageant committee na magiging mainit ang pagtanggap ng mga
Midsayapeno sa natukoy na bituin.
0 comments:
Mag-post ng isang Komento