Iba’t-ibang sektor, grupo o indibidwal hinikaya’t na mag-donate ng dugo sa gagawing blood letting activity ngayong araw sa Kabacan

(Kabacan, North Cotabato/August 16, 2012) ---Hinikaya’t ngayon ng pamunuan ng Kabacan Rural Health Unit ang lahat na sektor, mapa-indibidual man o grupo na magbigay ng dugo sa gagawing Bloodletting, isang voluntary blood donation bilang bahagi ng aktibidad ng 65^th founding Anniversary ng bayan ng Kabacan.

Ayon kay Disease Surveillance Officer Honey Joy Cabellon, gagawin ang bloodletting ngayong araw sa Municipal Plaza ng bayan kungsaan pangungunahan ito ng Philippine National Red Cross- Cotabato Chapter.

Maliban dito, magkakaroon din ng Medical at Dental consultation services na pangungunahan ng RHU sa pamumuno ni Dr. Sofronio Edu, Jr.

Bukod pa sa gagawing Immunization: Bakuna Kontra Pulmonya para sa mga senior citizens, bakuna kontra Rotavirus para sa mga sanggol edad anim na linggo hanggang 15 linggo.

Magsasagawa din ang RHU-Kabacan ng micronutrient supplementation sa mga batang kulang ang timbang at ang enlisting ng Philhealth National Household Targeting System- Poverty Reduction para sa mga taga Brgy. Osias at Poblacion. (Rhoderick Beñez)