DXVL 94.9 KOOL FM

Sampung  barangay sa  Midsayap  tatanggap ng tulong  para  sa cattle at  carabao  production

Sampung  barangay  sa  Midsayap, North Cotabato ang  nakatakdang   tumanggap  ng  tulong  mula  sa  Deparment  of  Agriculture sa pamamagitan  ng Mindanao  Rural Development  Program – Adaptable Program Loan  Phase 2 (MRDP-APL2)  para  sa kanilang mga  panukalang  proyekto na nakatuon sa pag-aalaga at pagpaparami ng  kalabaw  at  baka.

Noong  nakaraang  linggo,  inilunsad ang  Community Fund for  Agricultural  Development  (CFAD) sa  ilalim ng  MRDP-APL2 sa   bayan ng Midsayap

Sa  pamamagitan ng  CFAD  naglaan ang   DA-MRDP ng  kabuuang ondong P2.5 milyon para  tustusan ng  mga cattle  production  project ng  Barangay Sadaan  Farmers’ Association at ang  carabao production project  ng mga farmers  association at   rural improvement  club ng   barangay  Milaya,  Malamote, Bulanan, Kimagango. Upper Glad 1, Ilbocean, Bitoka, Arizona, at Anonang.

Ang  bawat   barangay  at tatanggap ng  tig-P250,000 para sa  kanilang proyekto.

Sinabi ni CFAD Focal  Person  for Region 12 Danilo  Centillas,  na inaasahan nilang  uunlad  ang kabuhayan ng  mga  benepisyaryo  sa pamamagitan ng  karagdagang  kita na hindi bababa sa  20 porsiyento.

Sa project  launching,  hinikayat din ni Midsayap Mayor Manuel Rabara ang  mga   miyembro ng   farmers association at   rural improvement  club  na pag-isipan  ang  iba pang  proyektong  maaring pagkakakitaan  katulad ng  vermicomposting at  backyard  gardening maliban sa  cattle at  carabao production.