(Antipas, North Cotabato/ October 23, 2015) ---Patay ang isang
brgy. Kagawad makaraang pagbabarilin ng di pa nakilalang suspek sa Brgy.
Camutan, Antipas, North Cotabato alas 7:00 kaninang umaga.
Kinilala ni PCI Bernard Tayong, CPPO Spokesperson ang biktima na
si Brgy. Kagawad Arnold Delgado Bazar, 42-anyos, may asawa at residente ng nasabing
lugar.
Batay sa ulat nasa labas ng kanilang bahay ang biktima habang
nagpapakain ng kanyang panabong na manok ng pagbabarilin ng di pa nakilalang
suspek na nakapwesto sa bahay ng kanilang kapitbahay na si Melanie Baliguian Gomez.
Nagtamo ng maraming
tama ng bala sa iba’t-ibang bahagi ng kanyang katawan ang biktima na naging
dahilan ng agaran nitong kamatayan.
Mabilis namang tumakas ang suspek matapos ang krimen.
Natamaan naman ng ligaw na bala ang mga biktimang kinilalang
sina Richard Suarez Timbang Jr., 12-anyos, Ronald Teodoro, 30-anyos kapwa
residente ng bayan ng Antipas na mabilis namang isinugod sa Antipas Medical
Hospital.
Patuloy namang tinutugis ng mga pulisya at sundalo ang responsable
sa nasabingkrimen. Rhoderick Beñez
0 comments:
Mag-post ng isang Komento