(Kabacan, North Cotabato/ August 5, 2013)
---Kalabuso at naghihimas ng malamig na rehas bakal ang isang cattle rustler
makaraang mahuli ng mga otoridad sa Brgy. Aringay, Kabacan, Cotabato ala 1:30
kahapon ng hapon.
Kinilala ni PCInps. Jordine Maribojo, hepe
ng Kabacan PNP ang nahuli na si Rahid Dimago Andug, nasa tamang edad, binata at
residente ng nabanggit na lugar.
Batay sa report, kinakalagan umano ng suspek
ang baka na pag-mamay-ari ni Demy Miguel Corpuz ng brgy. Malanduage.
Nang makitang nawala na ang nasabing hayop
agad na inireport ito ng biktima sa kanilang barangay opisyal at sa tulong ng
mga residente at ng elemento ng Kabacan PNP ay nahuli ang suspek at naibalik sa
may ari ang ninakaw na baka.
Nasa kustodiya ngayon ng Kabacan PNP ang
suspek habang inihahanda ang kasong isasampa laban sa kanya. (Rhoderick Beñez)
0 comments:
Mag-post ng isang Komento