Mga nagtitinda ng Lumberyard sa Kabacan na walang permit; napipintong ipasara

CPPSC Supt. Alex Tagum

(Kabacan, North Cotabato/July 12, 2012) ---Karamihan sa mga ni raid ng mga kagawad  ng Pambansang Pulisya sa mga nagtitinda ng lumberyard sa Kabacan, kamakailan ay walang mga permit buhat sa pamunuan ng Department of Environment and Natural Resources o DENR.

Kaya ang mga ito ay nahaharap sa kasong paglabag sa illegal logging.

Ito ay matapos ang isinagawang operasyon sa brgy. Pisan, Kabacan, Cotabato kahapon ng tanghali kungsaan narekober doon ang talamak na illegal logging activities.

Agad na ginalugad ng mga elemento ng Kabacan PNP na pinamumunuan ni Supt. Raul Supiter, Supt. Alex Tagum ng Cotabato Public Safety Company, PCI Tirso Pascual at 2^nd Manuever Company ang Rizal St., at Roxas St. sa National Higway at doon na nalaman na karamihan pala sa mga nagtitinda ng lumberyard ay walang permit.

Kabilang sa mga nagtitinda na walang permit mula sa DENR ay ang sumusunod: Lumberyard & Native Products na pag-mamay-ari ni Randy Dilangalen na nasa National Higway, MGH Lumber Supply na na pag-mamay ari ni Melinda singkala; Lumber and supply na pag-mamay ari ni Sultan Satar na nasa roxas St.; Kashmir Lumberyard and Native Products ni Venus Pedtucasan at iba pa.

Ang kaso kontra sa mga ito ay inihahanda na ng mga otoridad kapag di makapag-isyu ng permit ang mga ito mula sa DENR. (Rhoderick Beñez)