(Kidapawan City/July 13, 2012) ---Sugatan
ang walong taong gulang at estudyanteng si Ana Marie Galbe na taga Tamesis st.
Kidapawan city matapos na aksidenteng mabunggo ng isang namamasadang trisikel
na may KD-# 1-1862 na minamaneho ni Wilson Rigue na taga Barangay mateo
Kidapawan City.
Naganap ang aksidente kahapon banda
alas dose y medya ng tanghali sa may Villamarso St. ng lungsod.
Sa report mula sa Kidapawan City PNP
traffic section bigla ‘di umanong tumawid ang biktima sa kalsada kayat ‘di ito
namalayan ng driver at nabunggo nya ito.
Sa naturang aksidente ay nagtamo ng
galos sa ibat’ ibang parte ng katawan ang menor-de-edad na biktima na agad
namang isinugod sa isang bahay pagamutan sa lungsod para malapatan ng lunas.
Samantala
sa ibang mga balita… Agad
na isinugod sa isang bahay pagamutan sa lungsod ng kidapawan ang angkas ng
isang motorsiklo na kinilalang si Raffy Ombina, 26 ng Barangay Kiab Antipas
banda alas dos ng madaling araw kahapon.
Ayon sa report, aksidenteng na
hit-and-run ang sinasakyang nitong isang Honda XRM 125 na motorsiklo na
minamaneho ni Epraim Tolentino na residente rin ng naturang lugar ng isang four
wheel na sasakyan.
Ang motorsiklo ay mula sa downtown ng
Kidapawan City papunta ng Antipas at pagdating sa may Barangay Lanao ay doon na
naganap ang ‘di inaasahang aksidente.
Sa aksidente ay bumaliktad sa highway
ang motorsiklo ng mga biktima na nagresulta sa pagkakasugat ng angkas ng ng
motorsiklo na agad namang isinugod sa isang pagamutan para malapatan ng lunas.
0 comments:
Mag-post ng isang Komento