(February 18, 2013) ---Ninakaw ng di
pa nakilalang mga salarin ang isang motorsiklo na nakaparada sa isang sabungan
na nasa Brgy. Osias Kabacan, Cotabato alas 2:00 kahapon ng hapon.
Ayon sa report ng Kabacan PNP ang
nasabing ninakaw na motorsiklo ay isang kulay asul na Honda XRM- 125 na my
plate no. MK9064.
Ang nasabing motorsiklo ay
pagmamay-ari ni Nerie V. Peroy, 46 anyos, may asawa at residente ng Brgy.
Dalipe Mlang, Cotabato.
Sa bayan ng Carmen ---Tinangay din ng mga
di pa nakilalang mga salarin ang isang motorsiklo sa Sitio Tabak, Brgy.
Tacupan, Carmen, North Cotabato alas 8:00 ng gabi nitong Biyernes.
Kinilala ng Carmen PNP ang may ari na si Michael Jade
Gonzales, 21, binata at residente ng Tonganon ng nasabing bayan.
Batay sa inisyal na report, hinarangan umano ang biktima
ng dalawang armadong lalaki dahilan kung bakit huminto si Gonzales.
Bigla umano’ng tinutukan ang biktima ng baril at agad na
kinuha ang sinasakyan nitong Honda XRM 125 na may plate number 6532 LT.
Mabilis na tumakas ang mga suspek sa di malamang
direksiyon habang subject for manhunt ang mga ito ng Carmen PNP.
Kapwa iniimbestigahan ngayon ng mga otoridad ang
nasabing kaso ng nakawan kung sinung mga sindikato ang nasa likod nito.
0 comments:
Mag-post ng isang Komento