Ilang mga mag-aaral ng USM nagpahayag ng reaksiyon hinggil sa pagtatalaga ng bagong OIC sa Pamantasan; gusot sa USM, inaasahang matuldukan na

(USM, Kabacan, North Cotabato/ February 21, 2013) ---Umaasa ngayon ang ilang mga mag-aaral ng University of Southern Mindanao na matuldukan na ang gusot sa Pamantasan.

Ito makaraang magbaba ng memo ang Commission on Higher Education hinggil sa pagtatalaga bilang Officer In charge ng USM si Dr. Teresita Cambel sa Unibersidad epektibo nitong pang a-16 ng Pebrero.

Kung matatandaan, halos isang buwan ding paralisado ang daloy ng transaksyon sa Pamantasan ng Katimugang Mindanao dahil sa isinusulong na pakikibaka ng mga raliyista kontra katiwalian di umano ng adminisayong Derije.

Ngayon ay mapapansing humupa na ang tension sa pagitan ng dalawang partido, makaarang sumang-ayon ang ilang lider ngmga raliyesta sa hakbang ng CHED na magtalaga ng OIC sa USM.

Bagama’t at binuksan na ang mga lagusan, di naman muna umano aalis sa erya ang mga raliyesta hanggat walang pang ibinabang hatol ang Ombudsman Mindanao sa kasong kinakaharap ng Pangulo.

Kaugnay nito ay nagbigay komento ang iilan sa mga estudyante ng pamantasan hinggil sa humupang tension at pagtalaga ni Dr. Teresita Cambel bilang OIC.

Ang naturang CHED order ay epektibo simula pa noong ika-labing-anim ng Pebrero taong kasalukuyan.