Pag-ransak sa ilang mga Canteens sa loob ng USM Main Campus at ilang mga gusali; patuloy na iniimbestigahan

(USM, Kabacan, North Cotabato/ February 20, 2013) ---Patuloy ngayon ang ginagawang imbestigasyon ng mga otoridad kasama ng USM Security Services and Management sa nangyaring pagransacked sa ilang mga canteens at mga gusali ng Pamantasan.

Ayon kay USM Executive Secretary for Civil Security Services Prof. Orlando “Totong” Forro unang pinasok ng mga di pa malamang salarin noong nakaraang linggo ang College of Agriculture o CA Canteen.

Sinira umano ng mga suspek ang bubong ng nasabing canteen upang gawing entrance at nilimas ang cash na P690.00, 40 kilo ng bigas, assorted biscuits, candies at junk foods, isang malaking Caldero, 2 kawa, 2 caserola, 3 kitchen knife, 1 blender at 2 cases ng Pepsi Product..

Sinira din ng mga suspek ang nylon na nagsisilbing bakod sa Pawakan Native Chicken Project na nasa likod ng USM Administration building, bagama’t wala namang may nawala sa nasabing mga hayop.

Maliban dito, niransak din noong linggo ang ULS Canteen at tinangay ang mga gamit na tinatayang nagkakahalaga ng P15,000.00.

Lunes ng madaling araw, inireport din ang kahalintulad na pangyayari sa USM Multi-media Production center at nalimas din ng mga salarin ang isang unit ng DVD writer, External Memory na may 16gig at cash na humugit kumulang P20,000.00.

Di rin pinalagpas ng mga salarin ang Office of the Pres kungsaan pinasok din ang nasabing opisina at tinangay ang isang wall clock, 2 unit ng Cannon Camera at ilang mga assorted office supplies.

Naganap umano ang magkahiwalay na pagransacked nu’ng walang mga empleyado at mga instructors na pumasok  sa kanilang duty dahil sa kasagsagan ng kilos protesta ng mga raliyesta sa loob ng USM Main Campus, ito ayon kay OIC Director for Security Services and Management Tomas Moneva. Rhoderick Beñez