(Kabacan,
North Cotabato/July 24, 2012) ---Huli ng pinagsanib na pwersa ng mga element ng
Kabacan PNP at Cotabato Police Public Safety Company ang isang drug courier na
trisikad driver makaraang maintercept ng mga otoridad sa bahagi ng M. H. del Pilar
St., Purok Masagana, Poblacion, Kabacan, Cotabato bago mag-alas 9:00 kagabi.
Kinilala
ni Supt. Raul Supiter, hepe ng kabacan PNP ang suspek na si Abdulkadir Gubad
Calim, nasa tamang edad at residente ng brgy. Kayaga ng bayang ito.
Nakuha
mula sa mismong upuan ng kanyang trisikad na kulay itim na Kawasaki CT100 na may
plate # 9965 YV ang mga plastic heat sealed sachet na naglalaman ng white
crystalline na pinaniniwalaang shabu.
Si
Calim ay hi-nold sa mga pulisya sa isang Oberez Store sa purok Masagana.
Sa
ngayon kulungan ang bagsak ng biktima habang inihahanda na ang kasong
kakaharapin nito hinggil sa paglabag sa RA 9165 o Comprehensive Dangerous Drugs
Act of 2002.
Samantala,
sugatan naman ang isang estudyante ng USM makaraang ma self accident sa harap
ng USM Annex Elementary School alas 8:30 kagabi.
Kinilala
ni PCI Judernadine Panes ng Kabacan PNP ang biktima na si Jolicies Calderon
Magno, 21, 3rd year BSHRM student at residente ng Koronadal city.
Hindi
umano namalayan ng biktima na may nakalagay ng sign board na slow down dahilan
kung bakit nito nabangga, nagtamo ito ng sugat sa tuhod, kamay at mukha.
Mabilis
namang isinugod sa USM Hospital ang biktima para malapatan ng karampatang
lunas. (Rhoderick Beñez)
0 comments:
Mag-post ng isang Komento