(North Cotabato/ September 8, 2015) ---Patay
ang isang brgy kagawad makaraang pagbabarilin ng di pa nakilalang suspek sa Sitio
Kamangahan, Brgy. Ilustre, Upper Roxas, Pres. Roxas, North Cotabato ala 1:20
kaninang madaling araw.
Sa report na nakarating kay PCI Bernard
Tayong, tagapagsalita ng Cotabato Police Provincial Office kinilala nito ang
biktima na si Kagawad Wendel Gasita residente ng nasabing lugar.
Batay sa ulat habang naghihintay ang biktima
sa pag-uwi ng mga kalahok at mga manonood ng kanilang amateur singing contest
kaugnay sa selebrasyon ng kanilang kapiestahan ay pinagbabaril ang konsehal ng
barangay.
Naisugod pa sa bahay pagamutan si Gasita
pero di na ito umabot pa ng buhay.
Matatandaan na nitong Biyernes lamang ng
hapon (Setyembre 4) pinagbabaril din hanggang sa mapatay ang isang sub
contractor engineer sa nasabing bayan.
Pero ang mga kapulisan blanko pa rin sa
motibo sa mga magkakahiwalay na pamamaslang sa lugar. Rhoderick Beñez
0 comments:
Mag-post ng isang Komento