(Kabacan, North Cotabato/ December 14, 2012)
---Wala pang lead ang Kabacan PNP kung sinu ang responsable sa pagbaril patay
sa isang tricycle driver kamakalawa ng madaling araw sa Rizal St., National
Highway, Kabacan, Cotabato.
Kinilala ng Kabacan PNP ang biktima na si
Bobong Ampilan Kauyagan, 35-anyos, tricykad driver at resident eng Sunrise St,
ng nabanggit na lugar.
Batay sa inisyal na pagsisiyasat ng mga
otoridad, naka parada umano ang sinasakyang tricykad ng biktima sa harap ng
Orro Resto na pulang Kawasaki na may plate number 2703 MV ng ito umano ay
lapitan ng suspek na naka suot ng dilaw na t-shirt at fatigue, nagkausap pa ang
biktima at ang suspek, pero ilang sandali lamang ang nakalipas ay biglang itong
bumunot ng baril at pinagbabaril si Kauyagan, ito ayon sa report ng Kabacan
PNP.
Mabilis namang tumakas ang suspek sa di
malamang direksiyon.
Narekober sa crime scene ang basyo ng
kalibre .45 na baril na ginamit ng suspek sa pamamaril.
Sa ulo napuruhan si Kauyagan na naging
dahilan ng agara nitong Kamatayan.
Isa sa mga anggulong tinitingnan ng mga
otoridad ay ang personal grudge habang patuloy ang ginagawang imbestigasyon ng
Kabacan PNP. (Rhoderick Beñez)
0 comments:
Mag-post ng isang Komento