NPA at Militar nagkasagupa sa Magpet, North Cotabato

(Magpet, North cotabato/November 28, 2012) ---Abot sa mahigit sa 50 mga residente ng isang brgy sa bayan ng Magpet, North Cotabato ang nagsilikas matapos na madamay sa sagupaan ng rebeldeng grupo na pinaniniwalaang New People’s Army o NPA ng ng military kahapon.

                                            

Sinabi ni Sr. Insp. Sunny Leoncito, hepe ng Magpet PNP na nagsimula ang labanan alas 9:00 ng umaga kahapon sa Purok -6, Sitio Tanay in Barangay Doles, Magpet.     

                                                                                                                           

Ang nasabing palitan ng putok sa magkabilang panig ay tumagal hanggang ala una ng hapon kahapon.     

                                                                                               

Karamihan sa mga bakwit ay mga bata at mga nanay kungsaan pansamantalang nanunuluyan ngayon sa brgy hall ng brgy. Doles.  

                                                                   

Ilang linggo bago ang nasabing labanan, ang mga sundalo mula 57^thIB ay dumating sa kabilang brgy ng Pangao-an, sa nasabing bayan kungsaan nagpatayo ang mga ito ng kanilang tents malapit sa isang paaralan.     

                                                                       

Naniniwala ang mga tribal liders sa lugar na ang presensiya ng militar sa lugar ang nagpainit sa nasabing labanan.   

                                                                                

Sa ngayon inatasan na ni Magpet Mayor Efren Pinol ang MSWDO Magpet na mamigay na ngayong araw ng mga relief items para sa mga nadamay ng nasabing labanan. (Rhoderick Beñez)