2 graduates ng USM pasok sa top 5 sa katatapos na Licensure Examination for Teachers o LET

(USM, Kabacan, North Cotabato/ November 27, 2012) ---Dalawang graduates ng University of Southern Mindanao ang nasa top 2 at top 5 sa katatapos na Licensure Examination for Teachers o LET sa inilabas na resulta ng Professional Regulation Commision o PRC.

Ang eksaminasyon ay isinagawa sa 22 mga testing centersa buong bansa  noong buwan ng Setyembre.

Abot sa 25,136 na mga bagong elementary teachers ang pumasa mula sa 50,997 na kumuha ng eksaminasyon o katumbas ng (49.29%) habang 20,834 naman ang nakapasa bilang mga bagong secondary teachers mula sa 47,892 examinees o (43.50%).

Ayon kay College of Education Dean Dr. Lawrence Tandog, ang Bachelor of Secondary Education passing rate ay 43.50% kungsaan mas mataas ang USM na may 69.23% first time takers at sa Bachelor of Elementary Education na may Nat’l Passing rate na 49.29% kungsaan 60.47% ang USM mas mataas sa National Passing rate mula sa mga 1^st timers takers.

Samantala nasa top 2 ang USM sa Elementary exams for Professional Teachers sa katauhan ni Margielyn Eunice Dorcas Peñalosa Mama na naka kuha ng score na 88.0 at top 5 naman sa Secondary exams si Regin Nagle Manamba na nakakuha ng 88.20 na score.

Lahat ngmga pumasa at mga nasa top na mga graduates ng USM ay nag review sa USM Review Center na pinamumunuan ni USMRC Manager Dr. Anita Tacardon. 

Malaking karangalan naman ang dinala ng dalawang mga mag-aaral ng USM sa pamantasan partikular na sa College of Education. (Rhoderick Beñez)