Pagkumpuni sa Central Mindanao Airport sa M’lang, N Cotabato inaasahang masisimulan bago magtapos ang 2012

(M’lang, North Cotabato/September 18, 2012) ---Tinatayang abot sa 160M pesos ang inilaang pondo ng Department of Transportation and Communication o DOTC para sa pagkukumpuni ng Central Mindanao Airport sa bayan ng M’lang, N Cotabato.

Ayon kay North Cotabato 2^nd district representative Nancy Catamco, mismong si Secretary Mar Roxas ng DILG ang nagbigay ng sulat kay Secreytary Butch Abad ng Department of Budget and Management upang makapalabas ng pondo para sa commercial airport.

Ngayong buwan nakatakdang isagawa ang bidding para sa mga kagamitang gagamitan sa paliparan. Kaugnay nito, inaasahang bago magtapos ang taon ay masisimulan na ang pagkumpleto sa naturang airport.

Ang Central Mindanao Airport ay magbibigay daan sa transportasyon ng mga produkto palabas at papasok ng gitnang Mindanao.

Sa pamamagitan din ng paliparan, mabubuksan ang transportasyon mula sa North Cotabato, tungo sa iba’t-ibang lugar sa bansa.