Rhoderick
Beñez
(Kidapawan City/ September 24, 2014) ---Pinabulagta
ng riding tandem assassins ang isang tricycle drayber sa panibagong krimen na
naganap sa Kidapawan City alas 3:30 kahapon ng hapon.
Sa report ni Pinsp. Samuel Bascon ng
Kidapawan City PNP kinilala ang biktima na si Aldrin Mar Estrella Palaca,
29-anyos, may asawa, tricycle drayber at residente ng Purok Mangosteen, Brgy.
Luvimin, Kidapawan City.
Sa inisyal na pagsisiyasat ng mga otoridad,
napag-alaman na habang sakay ang biktima ng kanyang pampasaherong tricycle ng
buntutan ng riding tandem na mga suspek lulan ng Kawasaki Bajaj na kulay itim
at walang plaka at pagbabarilin ito ng ilang beses gamit ang di pa matukoy na
uri ng armas.
Nag tamo ang Palaca ng maraming tama ng bala
sa ulo at katawan nito na naging dahilan ng agaran nitong kamatayan.
Nang makitang bulagta na ang biktima, agad
na tumakas ang mga suspek sa bahagi ng Kidapawan City Proper.
Inaalam pa ngayon ng pulisya kung anu ang
motibo sa nasabing krimen.
0 comments:
Mag-post ng isang Komento